خیبرپختونخوا اسمبلی وچ عورتاں دا مخصوص نشستاں لئی احتجاج

خیبر پختونخوا(بیورورپورت)پاکستان تحریک انصاف دیاں سابق خواتین ارکان صوبائی اسمبلی نے مخصوص نشستاں لئی اسمبلی وچ احتجاج کیتا۔اسپیکر بابر سلیم سواتی دی زیرصدارت خیبرپختونخوا اسمبلی دا اجلاس 1گھنٹہ لیٹ شروع ہویا۔ اجلاس توں پہلاں سابق اراکین اسمبلی سمیرا شمس، عائشہ بانو، رابعہ بصری، مدیحہ نثار،عائشہ نعیم نے اسمبلی وچ مخصوص نشستاں لئی احتجاج کیتا۔ اونہاں نے آکھیا کہ مخصوص نشستاں ساڈھا حق اے جیہڑا ساہنوں دتا جائے۔اونہاں نے پلے کارڈ چُکی رکھے سن جناں اُتے الیکشن کمیشن، پی ڈی ایم تے چورو ساڈھامینڈیٹ نہ چراو دے نعرے درج سن۔