19 رکنی وفاقی کابینہ نوں سرکاری گڈیاں الاٹ کر دتیاںگئیاں

اسلام آباد(بیورورپورٹ)وزیراعظم شہباز شریف دی19 رکنی کابینہ نوں سرکاری گڈیاں الاٹ کر دتیاں گئیاں۔وزیراعظم شہباز شریف دی کابینہ دے سارے ارکاناں نوں استحقاق مطابق 1800 سی سی گڈیاں الاٹ کردتیاں گئیاں نیں۔ذرائع دا کہنا اے کہ کابینہ ڈویژن نے سرکاری گڈیاں ساریاں وزیراںدیاں متعلقہ وزارتاں نوں سونپ دتیاں نیں۔ذرائع نے ہور دسیا کہ وفاقی وزیراں دے استعمال لئی سرکاری گڈیاں دتیاں گئیاں نیں، کابینہ دے سینٹرل پول کار نے ساریاں سرکاری گڈیاں گھل دتیاں ، مجموعی سرکاری گڈیاں دی تعداد سی پی سی وچ100 دے لگ بھگ اے۔