حکومت تے اسٹیبلشمنٹ دا گٹھ جوڑ ملک دی تباہی دا باعث بنے گا، لیاقت بلوچ

لہور(پنجابی میڈیا)جماعت اسلامی دے نائب امیر لیاقت بلوچ نے آکھیا اے کہ حکومتاں تے اسٹیبلشمنٹ دا بے ثمر گٹھ جوڑ ملک دی تباہی دا باعث بنے گا۔اپنے اک بیان وچ لیاقت بلوچ دا کہنا سی کہ حکومت سازی دے بعد عیاں ہو گیا مسلم لیگ ن تے پیپلز پارٹی دے کول ملکی بحراناں نوں ختم کرن دا کوئی حل نہیں،ن لیگ پیپلز پارٹی دے ہتھوں بلیک میل ہُندی رہے گی۔اونہاں نے آکھیا کہ اقتدار دی کرسیاں اُتے بیٹھے عوام نوں دھوکا دے رہے نیں،بجلی گیس ،پیٹرول پانی دیاں قیمتاں تے ٹیکساں توں تنگ عوام دے صبر دا پیمانہ لبریز ہو گیا اے۔لیاقت بلوچ نے ہورآکھیا کہ فلسطینیاں دا قتل عام ایس عہد دا وڈھاالمیہ اے، عالم اسلام دی قیادت مجرمانہ غفلت دا لحاف اُتارے۔