چین ، پاکستانی معاہدیاں بارے کوئی گل بات نہیں ہوئی: آئی ایم ایف

اسلام آباد(بیورورپورٹ)عالمی مالیاتی فنڈ(آئی ایم ایف)نے آکھیا اے کہ چین پاکستان دے معاہدوں بارے کوئی گل بات نہیں ہوئی، آئی ایم ایف ممبر ملکاں دے معاہدیاں اُتے گل بات نہیں کردا۔ذرائع آئی ایم ایف دا کہنا اے کہ سیاسی جماعتاں دے نال جولائی2023 وچ میٹنگاں ہویاں سن جس وچ پروگرام دی کامیابی بارے گل بات ہوئی سی، سٹینڈ بائی ارینجمنٹ معاہدہ9مہینیاں دا سی تے فیر الیکشن ہونے سن، ترقیاتی بجٹ نوں فریز کرن دا مشورہ خسارے نوں گھٹ کرن لئی دتا گیا، گردشی قرضے اُتے اگر قابو نہ پایا گیا تے پاکستان نوں ریٹ ودھانے پین گے۔ذرائع مطابق پاکستان دی اقتصادی پیشرفت حوصلہ افزا لیکن چیلنج اجے وی درپیش نیں، پاکستان نوں دیرپا شرح نمو لئی سیاسی مشکلاں نال نمٹنا ہوئے گا، معاہدے وچ آئی ایم ایف دیاں تجویزاں اُتے پاکستان نے بہتر عملدرآمد کیتااے، سٹینڈ بائی ارینجمنٹ معاہدہ اگلے مہینے اپریل وچ ختم ہو جائے گا، نویں پروگرام بارے آئی ایم ایف نال گل بات کراں گے، نویں قرض پروگرام لئی اجے کجھ آکھیا نہیں جا سکدا۔