شانگلہ حملے دے اصل ملزماں نوں قنون دے کٹہرے وچ لیاواں گے، وفاقی وزیرداخلہ

اسلام آباد(بیورورپورٹ)وفاقی وزیر داخلہ محسن نقوی نے آکھیا اے کہ شانگلہ حملے دے اصل ملزماں نوں قنون دے کٹہرے وچ لیاواں گے۔وفاقی وزیرداخلہ محسن نقوی نے اسلام آباد وچ چینی سفارت خانے دا دورہ کیتا تے شانگلہ حملے دی تحقیقات لئی چین توں آئی خصوصی انویسٹی گیشن ٹیم نال ملاقات کیتی، ملاقات وچ محسن نقوی نے چینی ٹیم نوں حملے بارے ہن تک ہون والی تحقیقات توں آگاہ کیتا۔ملاقات دے دوران چینی شہریاں دے تحفظ تے مجموعی سکیورٹی دے اقداماں اُتے وی تبادلہ خیال کیتا گیا۔ایس موقع اُتے وفاقی وزیر داخلہ محسن نقوی نے چین دے سفیر نال وی ملاقات کیتی تے حملے بارے ہون والی پیشرفت توں آگاہ کیتا۔محسن نقوی نے آکھیا کہ شانگلہ حملے دے اصل ملزماں نوں قنون دے کٹہرے وچ لیاواں گے۔