آئینِ پاکستان ساریاں اقلیتاں دے حقوق دی ضمانت دیندااے، صدرآصف زرداری

اسلام آباد (بیورورپورٹ)صدرِ مملکت آصف علی زرداری نے آکھیا اے کہ آئینِ پاکستان ساریاں اقلیتاں دے حقوق دی ضمانت دیندا اے۔ایسٹر اُتے مسیحی برادری نوں مبارکباد پیش کر دیاں ہویاں آصف زرداری نے آکھیا کہ ایسٹر دا تہوار امید، محبت تے خوشحالی دا پیغام لیاندا اے۔اونہاں نے آکھیا کہ مسیحی برادری پاکستان دا قیمتی اثاثہ اے، ساڈھے مسیحی بھائیاں تے بہناں نے پاکستان دی ترقی وخوشحالی وچ وَدھ چڑھ کے حصہ لیا اے، اج اسیں پاکستان دی ترقی وچ اقلیتاں دے کردار نوں سراہندے ہاں۔صدر مملکت نے آکھیا کہ آئین پاکستان ساریاں اقلیتاں دے حقوق دی ضمانت دیندااے، اقلیتاں نوں مذہبی آزادی سنے سارے بنیادی سیاسی، سماجی تے معاشی حقوق حاصل نیں۔