مسیحی برادری نے ایسٹر دا مذہبی تہوار مذہبی جوش و خروش نال منایا،گرجا گھراں وچ تقریباں

لہور(پنجابی میڈیا)پاکستان سنے دنیا بھر وچ مسیحی برادری نے ایسٹر دا تہوار مذہبی جوش و خروش نال منایا،ایس دن دی مناسبت نال گر جا گھراں وچ خصوصی عباداتاں کیتیاں گئیاں ،لہورسنے ملک بھر دے گر جا گھراں لئی سکیورٹی دے سخت انتظام کیتے گئے ۔تفصیل دے مطابق دنیا بھر وچ وَسن والے مسیحی نے پچھلے دناں ایسٹر دا تہوار مذہبی جوش و خروش نال منایا۔ ایس دن دی مناسبت نال مسیحی عبادت گاہواں وچ خصوصی عبادتاں کیتیاں گئیاںجس وچ ملک و قوم دی سلامتی لئی خصوصی دعاواں منگیاں گئیاں۔لہورسنے ملک بھر وچ سکیورٹی نوں ہائی الرٹ کر دتاگیا ۔مسیحی عبادت گاہواں لئی خصوصی سکیورٹی پلان ترتیب دتا گیا جس دے تحت گرجا گھراںدے اندر تے باہر پلس اہلکار تعینات رہے جدکہ عبادت لئی آنے والیاں نوں جامع تلاشی دے بعد اندر داخل ہون دی اجازت دتی جائے گی ۔