ساڈھے نال مقابلہ کرنا اے تے کارکردگی اُتے کرن،عظمیٰ بخاری

لہور(پنجابی میڈیا)صوبائی وزیر اطلاعات عظمی بخاری نے بیرسٹر سیف دے بیان اُتے اپنے رد عمل وچ آکھیا اے کہ بیرسٹر صاحب مینوں لگدا اے کہ تہانوں صرف پنجاب دی نوکری کرنی اے،تُسی اج تک نہیں دسیا کہ تہاڈی حکومت نے خیبر پختونخواہ وچ کیہڑے کارنامے سر انجام دتے نیں۔ اونہاں نے آکھیا کہ مریم نواز نے30دناں وچ عوامی فلاح دے30منصوبے دتے نیں، علی امین گنڈاپور نے30دناں وچ اک وی عوامی فلاح دا منصوبہ متعارف نہیں کروایا ۔ اونہاں نے آکھیا کہ اسیں مقابلہ کرنا ایے تے کارکردگی وچ کرن ،گالم گلوچ الزاماں دی سیاست ساہنوں نہیں آندی ایہ سب تہانوں مبارک ہوئے ، جنہی فکر تہانوں مریم نواز دی اے کاش اوتنی فکر پختونخواہ دی عوام لئی ہندی۔