اسپیکروڈپٹی اسپیکر قومی اسمبلی دی مسیحی برادری نوں ایسٹراُتے مبارکباد

ا سلام آباد(بیورورپورٹ)اسپیکر قومی اسمبلی سردارایازصادق تے ڈپٹی اسپیکر سید غلام مصطفی شاہ نے ایسٹر دے پر مسرت موقع اُتے مسیحی برادری نال جُڑے اراکان پارلیمنٹ تے مسیحی برادری نوں مبارکباد دتی اے۔اتوارنوں ایتھوں جاری بیان وچ اونہاں نے ایہہ امید ظاہر کیتی کہ ایسٹر پوری مسیحی برادری لئی خوشیاں تے خوشحالی دا پیغام ثابت ہوئے گا۔اسپیکر قومی اسمبلی نے جاری بیان وچ آکھیا کہ حضرت عیسی علیہ السلام نوںاللہ تعالی نے محبت، رواداری تے بھائی چارے دی تبلیغ لئی مبعوث کیتا۔ حضرت عیسی علیہ السلام دی محبت دا پیغام اج وی ساریاں قوماں تے برادریاں وچ ہم آہنگی نوں ودھان تے دنیا وچ امن نوں یقینی بنان لئی مشعل راہ اے۔ اونہاں نے آکھیا کہ ملک نوں درپیش چیلنجاں دا مقابلہ کرن لئی ساہنوں اپنیاں صفاں وچ اتحاد پیدا کرنا ہوئے گا۔