ایس مالی سال پاکستان دی شرح نمو 1.8 فیصد رہن دا امکان اے، عالمی بینک

نیویارک(نیوز ڈیسک)عالمی بینک نے امکان ظاہر کیتا اے کہ ایس مالی سال پاکستان دی معاشی شرح نمو 1.8 فیصد رہے گی۔غیرملکی خبررساں ادارے مطابق عالمی بینک نے پاکستان میکرو اکنامک آئوٹ لک رپورٹ وچ دسیا کہ مالی سال 2025 وچ پاکستان دی شرح نمو 2.3 فیصد جدکہ مالی سال 2026 وچ 2.7 فیصد رہن دا امکان اے۔عالمی بینک دے مطابق ایس مالی سال 24-2023 دے دوران شعبہ زراعت دی ترقی 3 فیصد تک رہ سکدی اے، مالی سال 2025 وچ زرعی شرح نمو گھٹ ہو کے 2.2 فیصد رہن دا امکان اے، جدکہ عالمی بینک نے مالی سال 2026 وچ زراعت دی ترقی ودھ کے 2.7 فیصد رہن دی پیش گوئی اے۔رپورٹ وچ ہور دسیا گیا اے کہ ایس مالی سال دے دوران صنعتی ترقی دی نمو 1.8 فیصد رہن دا امکان اے، جدکہ اگلے مالی سال2025 وچ ایہ 2.2 فیصد تے 2026 وچ 2.4 فیصد رہن دا امکان اے۔رپورٹ وچ دسیا گیا اے کہ پچھلے سال دے مقابلے وچ ایس مالی سال دے دوران بجٹ خسارہ وَدھ کے جی ڈی پی دے 8 فیصد تک رہن دا تخمینہ اے۔