خیبر پختوا ہ وچ قوم تے اعلی عدلیہ آئینی خلاف ورزی نوں ویکھ رہی اے،عظمیٰ بخاری

لہور(پنجابی میڈیا) وزیراطلاعات پنجاب عظمیٰ بخاری نے آکھیا اے کہ خیبر پختونخوا نوں سب توںوَدھ فکر پنجاب دی اے ،اپنے وَل تے ویکھ لین، خیبر پختونخوا دے لوکاں نوں اپنے وزیراں دا گریبان پھڑ کے پچھنا چا ہیدا کہ ساڈھے لئی کیہ کیتا اے، قوم تے اعلی عدلیہ آئینی خلاف ورزی نوں ویکھ رہی اے،ایہ آئین اے کوئی موم دی نک نہیں۔پنجاب اسمبلی دے باہر میڈیا نال گل بات کر دیاں ہویاں عظمی بخاری نے آکھیا کہ خیبر پختونخوا اسمبلی وچ کسی قنون تے ضابطے دا اخلاق نہیں ہُندا، حلف برداری دے بغیر خیبرپختونخوا اسمبلی وچ سینیٹ دا الیکشن نہیں ہوسکدا، ایہ الیکشن توں نَس رہے نیں ایہ تیار نہیں ہین۔اونہاںنے آکھیا کہ خیبر پختونخوا نوں سب توںوَدھ فکر پنجاب دی اے،اپنے وَل تے ویکھ لین، مریم نواز عام آدمی دی بھلائی لئی دن رات کم کر رہیاں نیں۔