ہر گلی محلے نوں صاف ویکھنا چا ہندی ہاں،صفائی دی مہم وچ عوام وی حکومت دا ساتھ دیوے،وزیر اعلیٰ مریم نواز شریف

لہور(پنجابی میڈیا)’’نیا دور… صاف ستھرا لہور‘‘لہور دی تعمیر وترقی داپلان،وزیر اعلیٰ مریم نواز شریف نے ہنگامی بنیاد اُتے مکمل کرن لئی 3مہینیاں دی ڈیڈ لائن دے دتی۔ وزیر اعلیٰ مریم نوازہر10 دناں دے بعدلہور دی تعمیروترقی دے پلان اُتے عملدرآمد دا خود جائزہ لین گیاں۔وزیر اعلیٰ مریم نواز شریف نے گلیاں پکیاں بنان تے ٹف ٹائل لان دے پراجیکٹ دی منظوری دے دتی جس وچ لہور دیاں ساریاں چھوٹیاں وڈھیاں سڑکاں دی تعمیر ومرمت کیتی جائے گی۔ اجلاس وچ لہور دی2 لکھ 22 ہزار سٹریٹ لائٹاں دی بحالی تے سارے علاقے بتدریج واسا سروسز ایریا وچ شامل کرن دا اصولی فیصلہ کیتا گیا ۔ لہور دے نوزون وچ ڈرینج تے سیوریج دی بحالی تے تعمیر ومرمت دا جائزہ لیا گیا۔