آئی ایم ایف معاہدے نال سٹاک ایکسچینج وچ مضبوطی آئی، معیشت بہتر ہو رہی اے،عطا تارڑ

اسلام آباد(بیورورپورٹ)وفاقی وزیراطلاعات ونشریات عطا تارڑ نے آکھیا اے کہ معیشت بارے مثبت خبراں آرہیاں نیں، معیشت دی مضبوطی لئی پچھلے16مہینیاں وچ رکھی گئی۔رومینہ خورشید عالم دے نال نیوز کانفرنس کر دیاں ہویاں وفاقی وزیر اطلاعات ونشریات عطا تارڑ دا کہنا سی کہ اج روپئے دی قدر وچ مضبوطی آئی اے، بلوم برگ نے وی معیشت بہتر ہون دااعتراف کیتا، بلوم برگ مطابق گروتھ ودھے گی۔وفاقی وزیر اطلاع نے آکھیا کہ آئی ایم ایف معاہدے دے بعد سٹاک ایکسچینج وچ مضبوطی آئی ، معیشت بہتر، مہنگائی گھٹ ہو رہی اے، مہنگائی اگلے ورھے15فیصد تک آجائے گی، معاشی اعشاریئے بہتری وَل گامزن نیں۔