بھٹو دا عدالتی قتل پاکستان دے خلاف گھناونی سازش سی،آصف زرداری

اسلام آباد(بیورورپورٹ)صدر مملکت آصف علی زرداری نے آکھیا اے کہ ذوالفقار علی بھٹو دا عدالتی قتل پاکستان دی آزادی تے خود مختاری خلاف گھنائونی سازش دی۔ذوالفقار علی بھٹو دے یوم شہادت اُتے اپنے پیغام وچ صدر مملکت آصف علی زرداری نے آکھیا اے کہ قائد عوام نے پاکستان نوں دنیا دے باوقار ملکاںدی صف وچ شامل کیتا۔صدر مملکت نے آکھیا اے کہ قائد عوام دا عدالتی قتل دراصل تیز رفتاری نال ترقی کرن والے ملک دی پیٹھ وچ خنجر گھونپن ونگوں سی ،آصف علی زرداری نے اپنے پیغام وچ ہورآکھیا اے کہ ذوالفقار علی بھٹو شہید دی فلاسفی محترمہ بینظیر بھٹو شہید دا مشن سی، ہُن ایس مشن دے نگہبان بلاول بھٹو زرداری نیں۔