امریکی سفارتخانے دے وفد دا اڈیالہ جیل دورہ

راولپنڈی(بیورورپورٹ)امریکی سفارتخانے دے وفد نے اڈیالہ جیل دا دورہ کیتا۔جیل ذرائع مطابق امریکی سفارتخانے دے3 رکنی وفد نوں مجرم ظاہر جعفر تک قونصلر رسائی دتی گئی، وفد دی مجرم ظاہر جعفر نال ملاقات ڈپٹی سپرنٹنڈنٹ روم وچ کرائی گئی۔جیل ذرائع دا کہنا اے کہ امریکی سفارتخانے دے وفد وچ مائیکل مرفی، اسامہ حنیف تے نوید غازی شامل سن، 30 منٹ ملاقات دے بعد امریکی سفارتخانے دا وفد اڈیالہ جیل توں واپس روانہ ہو گیا۔یاد رہے کہ مجرم ظاہر جعفر سابق سفارتکار دی بیٹی نور مقدم دے قتل کیس وچ عدالتی سزا دے بعد قید اے۔نور مقدم نوں قتل کرن والا ظاہر جعفر امریکی شہریت وی رکھدا اے جس نے اپنی سزائے موت خلاف سپریم کورٹ وچ اپیل دائر کر رکھی اے۔