عوامی مسائل دے حل لئی وفاق دی حمایت دا فیصلہ کیتا،بلاول بھٹو

گڑھی خدا بخش (بیورورپورٹ)پاکستان پیپلز پارٹی دے چیئرمین بلاول بھٹو زرداری نے آکھیا اے کہ عوامی مسائل دا حل ترجیح اے،عوامی مسائل دے حل لئی وفاقی حکومت دی حمایت دا فیصلہ کیتا۔بلاول بھٹو نے اپنے نانا، سابق وزیر اعظم تے بانی پیپلز پارٹی ذوالفقار بھٹو دی برسی اُتے منعقدہ تقریب نال خطاب کردیاں ہویاں آکھیا کہ شہید بھٹو دا عدالتی قتل کیتا گیا سی،رمضان دے بعد گڑھی خدابخش وچ جلسہ کراں گے۔اونہاں دا کہنا سی کہ عدالتی نظام وچ اصلاح وَل اگے وَدھنا پئے گا، صوبائی سطح اُتے کسان کارڈ متعارف کراواں گے، حکومت نوں ویلا دتا گیا تے پاکستان نوں معاشی بحران توں کَڈیا جائے گا۔اسی توں پہلاں بلاول بھٹو اپنے نانا، سابق وزیر اعظم تے بانی پیپلز پارٹی ذوالفقار بھٹو دی برسی اُتے گڑھی خدا بخش پہنچے جیتھے اونہاں نے اپنے نانا تے والدہ سنے ہوراں شہیداں دے مزاراں اُتے حاضری دتی تے پُھل چڑھائے۔ایس موقع اُتے پیپلزپارٹی شعبہ خواتین دی مرکزی صدر فریال تالپور ، وزیراعلی سندھ مراد علی شاہ، صوبائی وزیراں تے ارکان اسمبلی نے وی بلاول بھٹو دے نال حاضری دتی۔