انتہائی غیر معیاری کھانا دتا جاندا اے، سیل وچ مچھر تے تعفن اے،صنم جاوید

لہور(پنجابی میڈیا) پی ٹی آئی دی خاتون رہنما صنم جاوید نے آکھیا اے کہ حکومت دا مقصد ساہنوں توڑنا اے، لیکن اسیں کھڑیاں رہواں گیاں۔انسداد دہشت گردی عدالت وچ کیس دی سماعت ہوئی تے عالیہ حمزہ تے صنم جاوید خان نوں پیش کیتا گیا۔ دونوں عورتاں نوں سرگودھا جیل توں سخت سکیورٹی وچ پیش کیتا گیا۔ایس موقع اُتے میڈیا نال گل بات کر دیاں ہویاں عالیہ حمزہ ملک نے آکھیا کہ جیل وچ وَکھ وَکھ سیل وچ رکھیا گیا اے، سحرو افطار وچ انتہائی غیر معیاری کھانا دتا جاندا اے، سیل وچ مچھراں تے مکھیاں دی بھرمار اے،بدبو تے تعفن اے، ساہنوں دسیا جا رہیا اے کہ ہوراں شہراں وچ وی تہاڈے خلاف مقدمے درج ہوچکے نیں،9مئی نوں میں لہور وچ ساں تے میانوالی کس طرح پہنچ گئی۔