عیدالفطر اُتے ملک وچ بارشں دی پیشگوئی

لہور( پنجابی میڈیا)عیدالفطر دیاں چھٹیاں دے دوران ملک دے مختلف حصیاں وچ بارشاں دا امکان اے۔محکمہ موسمیات مطابق مغربی ہواواں دا سلسلہ 10 اپریل نوں ملک دے بالائی علاقیاں وچ داخل ہوئے گا تے بارش دا ایہ سلسلہ10 توں 15 اپریل تک وقفے وقفے نال جاری رہے گا۔محکمہ موسمیات دا کہنا اے کہ خیبرپختونخوا وچ 10 توں 15اپریل بعض مقامات اُتے موسلادھاربارش تے ژالہ باری دا امکان اے۔اوس دے علاوہ کشمیر،گلگت بلتستان وچ موسلا دھاربارش تے پہاڑاں اُتے برفباری متوقع اے، مری،گلیات، اٹک تے چکوال وچ وقفے وقفے نال بارش دی توقع کیتی جارہی اے جَد کہ فیصل آباد، سرگودھا تے سیالکوٹ سنے پنجاب دے مختلف شہراں وچ بارش دا امکان اے۔محکمہ موسمیات دے مطابق بلوچستان وچ12 توں14اپریل مختلف حصیاں وچ بارش دا امکان اے۔اودھر کراچی، حیدرآباد، سکھر، جیکب آباد وچ13 تے14 اپریل دے دوران بارش دا امکان اے۔اوس دے علاوہ بالائی خیبرپختونخوا،کشمیر،مری،گلگت بلتستان وچ لینڈسلائیڈنگ داخدشہ ویاے جَد کہ موسلادھاربارش پاروں13 توں 15 اپریل دیر، سوات، چترال تے کوہستان وچ طغیانی دا خدشہ اے۔