پاکستان وچ مہنگائی 50 ورھے دی اُچی ترین سطح اُتے جاپہنچی،عالمی بینک

اسلام آباد(بیورورپورٹ) بجلی تے گیس دی قیمت تریخی ودھن نال مہنگائی50ورھیاںدی اُچی ترین سطح اُتے پہنچ گئی۔ ایس ورھے مہنگائی دی شرح 26 فیصد رہن دا امکان اے تے2025 وچ 15 جَد کہ 2026 وچ 11.5 فیصد رہے گی۔عالمی بینک دا کہنا اے کہ پاکستان وچ ایس مالی سال دی پہلی ششماہی وچ مہنگائی 1974 دے بعد سب توں وَدھ رہی، بجلی تے گیس دی قیمت ودھن نال پیداواری لاگت کافی وَدھ گئی اے۔عالمی بینک نے پاکستان وچ مہنگائی ودھن دی وڈھی وجہ بجلی و گیس دی قیمت ودھنااے۔عالمی بینک دے مطابق ایس مالی سال دی پہلی ششماہی وچ شہری علاقیاں وچ توانائی دی مہنگائی 50 فیصد توںوَدھ گئی تے توانائی دی افراط زر50.6 فیصد رہی ۔ایسں مالی سال دے پہلی ششماہی وچ اوسط مہنگائی28.8 فیصد رہی جیہڑی پچھلے سال ایسی عرصے وچ 25 فیصد سی، روپے دی قدر وچ استحکام، مقامی سطح اُتے فصلاں دی پیداوارودھن تے عالمی مارکیٹ وچ قیمت اُتے کمی دے باوجود پاکستان وچ مہنگائی ودھ ہوئی اے۔عالمی بینک دے مطابق ایس مالی سال2023-24 دے دوران پاکستان وچ مہنگائی دی اوسط شرح 26 فیصد رہن دا امکان اے جیہڑی پچھلے مالی سال 29.2 فیصد سی لیکن آئندہ مالی سال 2024-25 وچ اوسط مہنگائی 15 فیصد تے مالی سال 2025-26 وچ مہنگائی دی شرح ہور گھٹ ہو کے11.5 فیصد تک رہن دا امکان اے۔