بھٹو دے جذبے نوں مشعلِ راہ بنا کے نویں عزم نوں ودھانا ہوئے گا،بلاول بھٹو

گڑھی خدا بخش(بیورورپورٹ)پاکستان پیپلزپارٹی دے چیئرمین بلاول بھٹو زرداری نے آکھیا اے کہ قائد عوام بھٹو دے جذبے نوں مشعلِ راہ بنا کے نویں عزم نوں اگے ودھانا ہوئے گا۔پی پی پی چیئرمین بلاول بھٹو زرداری نے قائد عوام شہید ذوالفقار علی بھٹو دی برسی بارے گڑھی خدا بخش وچ جلسے توں پہلاں پیغام دی دیندیاںہویاں آکھیا کہ اج دا عظیم الشان جلسہ عام اک وارفیر غریب و محنت کش عوام وچ بھٹو ازم دی وسیع مقبولیت دا عکاس ہوئے گا۔بلاول بھٹو زرداری دا کہنا سی کہ آئیے اج نویں عزم دے نال بھٹو دے نظریئے تے اصولاں توں اپنی وابستگی داعہد کرن لئی اقدام بروئے کار لیان،اج دا اجتماع محض اک جلسہ نہیں بلکہ اجتماعی طور قائد عوام دے اصولاں دی پیروی دا عہد کرنااے۔اونہاں نے آکھیا کہ قائدِ عوام دادیا ہویاں پلیٹ فارم اوہ اے جیتھے پسماندہ طبقیاں دیاں آوازاں سنیاں جاندیاں نیں تے ہرشہری دے حقوق نوں تحفظ ملدا اے، شہید بھٹو دی لیگی نوں خراج عقیدت پیش کرن لئی عوام جمع ہورہے ہیں۔
٭٭٭٭٭٭٭٭٭٭٭٭٭٭