رہنما پیپلزپارٹی شریف خلجی دا پی ٹی آئی وچ شامل ہون دااعلان

کوئٹہ(بیورورپورٹ)پیپلزپارٹی دے رہنما شریف خان خلجی نے پارٹی توں استعفیٰ دے کے پی ٹی آئی وچ شامل ہون دااعلان کر دتا۔ایس بارے شریف خلجی دا کہنا سی کہ میں پیپلز پارٹی توں استعفی دین دااعلان کردا ہاں، پیپلزپارٹی بھٹو نہیں زرداری خاندان دی جماعت بن چکی اے۔اونہاں نے آکھیا کہ8فروری2024 نوں الیکشن نہیں بلکہ سلیکشن ہوئی، بلوچستان وچ پیپلز پارٹی دی حکومت ہون دے باوجود استعفی دے رہیاہاں، میری دلی خواہش اے کہ غریباں دی مدد کراں۔شریف خلجی دا کہنا سی کہ میں مجبوری وچ پی ٹی آئی چھڈ کے پیپلزپارٹی وچ شامل ہویاں ساں، مراعات تے فنڈ لکئی کَدی سیاست نہیں کیتی، ایس لئے دوبارہ پاکستان تحریک انصاف وچ شامل ہون دااعلان کردا ہاں۔اونہاں نے ہورآکھیاکہ فارم47 دے وزیراعظم تے بانی پی ٹی آئی وچ بوہت فرق اے، اسیں سارے جابرانہ نظام دے خلاف اُٹھنا اے، مینوں پی ٹی آئی وچ شامل نہ ہون لئی بلوچستان حکومت نے فنڈز دین دی آفر وی کیتی۔