پنجاب وچ بیساکھی منان لئی آن والیاں نوں’’جی آیاں نوں‘‘مریم نواز

لہور(پنجابی میڈیا)وزیراعلی پنجاب مریم نواز نے آکھیا اے کہ پنجاب وچ بیساکھی منان لئی آن والے سکھ بہن بھائیاں نوں’’جی آیاں نوں‘‘۔بیساکھی اُتے اپنے اک پیغام وچ وزیراعلی پنجاب مریم نوازدا کہنا سی کہ بیساکھی پنجاب دی منفرد ثقافت دی پہچان اے ،ڈھول دی تھاپ اُتے درانتی نال کنک دی سنہری فصل کَٹ کے بیساکھی شروع ہُندی اے تے خوشیاں ہرپاسے پھیل جاندیاں نیں، بیساکھی خوشیاں نال مہکدا تہوار اے،سب بہن بھائیاں نوں مبارکباد پیش کردی ہاں۔اونہاں نے آکھیاکہ پہلاں پاکستانی فیر ٹھیٹھ پنجابی ہاں، پنجاب دل وچ وَس دا اے، میرے پنجاب دا ہر فرد بیساکھی دی خوشی وچ برابر دا رَلتی اے،پنجابی تہوار بیساکھی نوں سرکاری طور اُتے باقاعدہ منانا شروع کررہے اے،دنیابھر توں آن والی سکھ برادری لئی حسن ابدال، ننکانہ صاحب، کرتار پور تے لہور وچ بیساکھی دیاں خصوصی تقریباں دااہتمام کیتا گیا اے۔مریم نواز نے ہورآکھیا کہ دعا اے کہ اللہ تعالی بیساکھی دیاں خوشیاں نوں سدا قائم و دائم رکھے، پنجاب وچ سکھ یاتریاں نوں مذہبی تے ثقافتی سیاحت لئی بہترین محول تے سہولتاں دے رہے نیں۔