پرویزخٹک نے پیپلز پارٹی وچ شامل ہون لئی کوشش تیزکردتی

پشور(بیورورپورٹ)سابق وزیردفاع ورہنما پی ٹی آئی پرویز خٹک دی پیپلز پارٹی وچ شامل ہون لئی کوشش تیزکردتی۔ذرائع مطابق پرویز خٹک نے پیپلز پارٹی دے کئی رہنماواں دے نال مشاورت وی مکمل کر لئی، اگلے کجھ دناں وچ پرویز خٹک دی پیپلز پارٹی دے اعلی رہنماواں نال اہم بیٹھک متوقع اے ۔دُوجے پاسے ذرائع نے ایہ وی دسیا کہ پیپلز پارٹی دے کجھ صوبائی رہنما پرویز خٹک دی شمولیت دے حق وچ نہیں، پرویز خٹک دی پی پی پی وچ شمولیت اُتے سب توں وِدھ رکاوٹ نوشہرہ توں اے۔مقامی پی پی رہنماواں دا کہنا سی کہ پارٹی دی سیاست وچ گل بات دے دروازے ہر ویلے کھلے رہندے نیں۔واضح رہے پیپلزپارٹی دے رہنماواں دی پرویز خٹک نال گل بات جاری اے لیکن اونہاں دی شمولیت دا حتمی فیصلہ نہیں ہویا۔