ملک وچ سرمایہ کاری پاکستان دے دشمناںنوںہضم نہیں ہو رہی،عطا اللہ تارڑ

اسلام آباد(بیورورپورٹ)وفاقی وزیر اطلاعات عطا اللہ تارڑ نے آکھیا اے کہ ملک وچ سرمایہ کاری پاکستان دے دشمناں نوں ہضم نہیں ہو رہی ۔وفاقی وزیر اطلاعات عطا تارڑ نے میڈیا نال گل بات کر دیاں ہویاں آکھیا کہ9 مئی دے حملہ آور اج ملکی مفاداُتے حملہ آور نیں ، ملکی مفاد دے خلاف گل کرن والا پاکستان دا دشمن اے ، اپنے سیاسی مفاد تے انا نوں ملکی مفاد اُتے ترجیح دینا قابل مذمت تے افسوسناک اے۔اونہاں نے آکھیا کہ تحریک انصاف نے پہلاں ملکی مفاد خلاف بیان دتا فیر اوس توں لاتعلقی ظاہرکیتی، ایہ پی ٹی آئی دا پرانا وطیرہ اے۔عطا تارڑ نے آکھیا کہ اونہاں دا لیڈر پہلاں ہی کرپشن دے مقدمے بھگت رہیا اے، ملک وچ سرمایہ کاری پاکستان دے دشمناں نوں ہضم نہیں ہو رہی، ایسے عناصر لئی ہدایت دی دعا کر دے ہاں، کاش ایہ ملک دے مفاد وچ وی گل کر سکن۔وفاقی وزیر اطلاعات نے آکھیا کہ سیاسی مخالفت وچ ملک دشمنی نامناسب اے، تُسی ساڈھے اُتے تنقید کرو لیکن پاکستان اُتے تنقید ناقابل برداشت اے،ساڈھے دوست ملک پاکستان وچ سرمایہ کاری تے تعاون دی حمایت تے دوستی دا ہتھ وَدھا رہے نیں۔