خیبرپختونخوا حکومت امن وامان برقرار رکھن وچ نکام ہو چکی:بلاول بھٹو

اسلام آباد(بیورورپورٹ)پاکستان پیپلز پارٹی دے چیئرمین بلاول بھٹو زرداری نے آکھیا اے کہ خیبرپختونخوا دی حکومت امن و امان دے قیام وچ نکام ہوچکی اے۔سابق وزیر خارجہ بلاول بھٹو زرداری نے باجوڑوچ پاکستان پیپلز پارٹی دے رہنما اخوندزادہ چٹان اُتے حملے دی مذمت کیتی تے حملہ آوراںنوں فوری طور اُتے گرفتار کرن دا مطالبہ کیتا اے۔پاکستان پیپلز پارٹی دے چیئرمین بلاول بھٹو زرداری نے ہورآکھیا اے کہ باجوڑ وچ ضمنی الیکشن دی مہم دوران پیپلز پارٹی دے امیدوار اخوندزادہ چٹان نوں نشانہ بنانا انتہائی تشویش ناک اے۔اونہاں نے آکھیا کہ خیبرپختونخوا حکومت ضمنی الیکشن دے دوران امن و امان دے قیام وچ نکام ہوچکی، جبر و تشدد تے اَت گردی نال پیپلز پارٹی دے کارکناں دے حوصلے پست نہیں کیتے جا سکدے۔