بجلی چوری کارخانہ دار کردا اے عام صارف نہیں،پشورہائیکورٹ

پشور(بیورورپورٹ)ہائیکورٹ دے جسٹس شکیل احمد نے بجلی کٹن بارے کیس وچ ریمارکس دتے کہ بجلی چوری عام صارف نہیں کر رہیا تے جیہڑے لوگ کر رہے نیں اونہاں اُتے تُسی ہتھ نہیں پاندے، بجلی چوری کارخانہ دار کردا اے تے تکلیف عوام نوں دے رہے نیں۔متنی دے علاقے دی بجلی کٹن دے خلاف دائر درخواست اُتے سماعت دوران، وکیل درخواست گزار عدنان خان یوسفزئی ایڈووکیٹ نے آکھیا کہ1 ورھے توں بجلی کٹ دتی اے لوکاںنوں مشکلاں دا سامنا اے۔ وکیل پیسکو نے آکھیا کہ لوگ بل نہیں دیندے ایس پاروں بجلی کٹ دتی اے۔جسٹس شکیل احمد نے ریمارکس دتے کہ تہانوں لوکاں دی تکلیف دا احساس کرنا چا ہیدا اے، بجلی نہیں ہوئے گی تے بوہت سارے مسائل ہُندے نیں، بجلی چوری وچ تہاڈے ڈیپارٹمنٹ دے لوگ ملوث نیں کی تہانوں پتہ نہیں اے؟ ادارے والے کم نہیں کردے ایس پاروں نقصانوی ہو رہیا اے۔