وزیراعلی پنجاب نے ٹرانسپورٹ سسٹم دی بہتری لئی فنڈز دی منظوری دے دتی

لہور(پنجابی میڈیا)وزیراعلی پنجاب مریم نواز نے شہری علاقیاں دے ٹرانسپورٹ سسٹم وچ ہور630پبلک بساں شامل کرن لئی فنڈز دی منظوری دے دتی۔وزیر اعلی پنجاب مریم نواز دی زیر صدارت کابینہ سٹینڈنگ کمیٹی برائے خزانہ و ڈویلپمنٹ دا اجلاس ہویا جس وچ سینئر صوبائی وزیر مریم اورنگزیب، وزیر خزانہ مجتبی شجاع الرحمان، سینیٹر پرویز رشید، چیف سیکرٹری، آئی جی پنجاب، چیئرمین پی اینڈ ڈی، سیکرٹری خزانہ،لوکل گورنمنٹ، اطلاعات تے ہور حکام رَلتی ہوئے۔صوبائی کابینہ دی سٹینڈنگ کمیٹی برائے خزانہ نے گورنمنٹ پائلٹ بوائز ہائی سکول وحدت روڈ دی اپ گریڈیشن لئی فنڈز دی منظوری دے دتی، اجلاس وچ پلس ڈیپارٹمنٹ دی لیڈی پلس افسراں لئی 150 ای بائیکاں دی وی منظوری دتی گئی۔