نوازشریف5روزہ دورے اُتے اج چین جان گے

لہور(پنجابی میڈیا)قائد مسلم لیگ ن و سابق وزیراعظم میاں نواز شریف 5روزہ دورے اُتے اج رات چین جان گے۔پارٹی ذرائع مطابق نواز شریف دا دورہ چین ذاتی نوعیت دا اے، اوہ اوتھے اپنا چیک اپ کران گے۔سابق وزیراعظم نواز شریف دورہ چین دے دوران نجی تے سیاسی ملاقات کرن گے، نواز شریف کمیونسٹ پارٹی دے رہنماواں نال ملاقات وی کرن گے۔ذرائع نے دسیا کہ وزیرخارجہ اسحاق ڈار وی میاں نواز شریف دے ہمراہ ہون گے۔دُوجے پاسے پارٹی دی سینئر قیادت نے نواز شریف نوں پارٹی دی دوبارہ قیادت سنبھالن دا مشورہ دے دتا، پارٹی دی تنظیم نو دے بعد نوازشریف پارٹی دی قیادت دوبارہ سنبھالن گے تے مسلم لیگ ن دی آئندہ لئی حکمت عملی نوازشریف ہی طے کرن گے۔