پشور ہائیکورٹ دے3 ججاں نے حلف چُک لیا

پشور(بیورورپورٹ)پشور ہائیکورٹ دے3 ججاں نے حلف چُک لیا۔حلف چُکن والیاں وچ جسٹس خورشید اقبال، جسٹس فضل سبحان تے جسٹس شاہد خان شامل نیں، پشور ہائی کورٹ دے چیف جسٹس اشتیاق ابراہیم نے تیناں ججاں توں عہدے دا حلف لیا۔واضح رہے کہ پچھلے دناں جسٹس اشتیاق ابراہیم نے بطور چیف جسٹس پشور ہائیکورٹ اپنے عہدہ دا حلف چُکیا سی۔حلف برداری دی تقریب گورنر ہاوس پشور وچ منعقد ہوئی سی، گورنر خیبرپختونخوا حاجی غلام علی نے نویں تعینات ہون والے چیف جسٹس پشور ہائیکورٹ اشتیاق ابراہیم توں حلف لیا سی، تقریب وچ وزیراعلی خیبر پختونخوا علی امین گنڈاپور وی رَلتی ہوئے سن۔سپریم کورٹ دی جج جسٹس مسرت ہلالی، پشور ہائیکورٹ دے ججاں، وکیلاں، چیف سیکرٹریاں، آئی جی پلس، سیکرٹری ایڈمنسٹریشن سنے ہوراں محکمیاں دے انتظامی سربراہاں نے وی تقریب وچ رَلت کیتی سی۔