عمران خان دی لڑائی اسٹیبلشمنٹ نال نہیں اوہ پاکستان نوں نقصان پہنچانا چاہندا اے، شرجیل میمن

کراچی(بیورورپورٹ)صوبائی وزیر اطلاعات شرجیل انعام میمن نے آکھیا اے کہ عمران خان دی لڑائی پیپلز پارٹی یا اسٹیبلشمنٹ نال نہیں، عمران خان پاکستان نوں نقصان پہنچانا چاہندا اے۔پریس کلب وچ پریس کانفرنس کر دیاں ہویاں اونہاں نے آکھیا کہ پاکستان خلاف اک بوہت بری تے گہری سازش کیتی جارہی اے، ایس سازش وچ عمران خان دا اک بوہت وڈھا کردار اے، عمران خان دی لڑائی پیپلز پارٹی یا اسٹیبلشمنٹ نال نہیں، عمران خان پاکستان نوں نقصان پہنچانا چاہندا اے۔اونہاں نے آکھیا کہ میں سمجھدا ہاں کہ عمران خان دا ٹارگٹ ملک نوں نقصان پہنچانا اے عمران خان دی لڑائی کسی پارٹی نال نہیں اسٹیبلشمنٹ نال نہیں بلکہ ملک نال اے عمران خان پاکستان خلاف سازش کر رہیا اے، اسیں اک شخص جس دا ریکارڈ چنگا نہیں سی اوس نوں ایس ملک دا وزیر اعظم بنایا، عمران خان نوں ملک اُتے تھوپا گیا سی تے تریخی دھاندلی ہوئی سی اونہاں نے آکھیا کہ عمران خان نے1 ارب روپے بنی گالہ توں پرائم منسٹر ہاوس ہیلی کاپٹر دے سفر لئی خرچ کیتے عمران خان نے ایمانداری دا ماسک پائی رکھیا سی 2 ہزار18 دی سیاست وچ بھارت تے اسرائیل دا پیسہ استعمال ہویا اے۔