لہور وچ سستی روٹی و نان دی فروخت یقینی نہیں بنائی جاسکی

لہور(پنجابی میڈیا) شہر بھر وچ کِدھرے روٹی تے نان سستا جدکہ کِدھرے پرانے ریٹ روٹی 20 تے نان 30 دا وِک رہیا اے۔تفصیل دے مطابق سستی روٹی تے نان فروخت نہ کرن اُتے ہُن تک 33 مقدمے تے 28 گرفتاریاں ہوچکیاں نیں جدکہ روٹی و نان دیاں قیمتاں وچ خلاف ورزی کرن والیاں نوں 80 ہزار توں وَدھ دے جرمانے وی کیتے گئے نیں۔ایڈیشنل ڈپٹی کمشنر جنرل شوجین وسترو نے گوالمنڈی فوڈ اسٹریٹ دی انسپکشن کیتی۔ڈی سی لہور رافعہ حیدردا کہنا اے کہ روٹی و نان دی قیمت اُتے عمل درآمد لئی فیلڈ وچ سخت مانیٹرنگ جاری اے، نان و روٹی دی فروخت نوں ہر صورت مقرر کردہ قیمتاں اُتے یقینی بنایا جا رہیا اے۔شہری روٹی و نان قیمت دی شکایت لئی وزیر اعلی پنجاب ہیلپ لائن 080002345 اُتے درج کروان۔