مخصوص نشستاں اُتے حلف دا حکم؛کے پی حکومت دا سپریم کورٹ جان دا فیصلہ

پشور(بیورورپورٹ)مخصوص نشستاں اُتے حلف لین دے حکم خلاف پختونخوا حکومت نے سپریم کورٹ نال رجوع کرن دا فیصلہ کرلیا۔خیبر پختونخوا اسمبلی دا اجلاس بلان تے مخصوص نشستاں اُتے حلف دے معاملے اُتے صوبائی حکومت نے عدالت عظمی جان دا فیصلہ کرلیا، ایس سلسلے وچ ہائی کورٹ فیصلے خلاف اج سپریم کورٹ وچ درخواست دائر کیتے جان دا امکان اے۔صوبائی کابینہ نے سرکولیشن سمری ذریعے سپریم کورٹ جان دی منظوری دے دتی اے۔ صوبائی حکومت نے فیصلہ کیتا اے کہ سپریم کورٹ فیصلے تک پختونخوا اسمبلی دا اجلاس نہیں بلایا جائے گاواضح رہے کہ پشور ہائی کور ٹ نے وزیراعلی تے کابینہ نوں 14دناں اندر اسمبلی اجلاس بلان دا حکم دتا سی تے مخصوص نشستاں اُتے عورتاں تے اقلیتی امیدواراں توں حلف لین دی ہدایت کیتی سی۔