8 فروری نوں بدترین دھاندلی دی تریخ کل ضمنی الیکشن وچ دہرائی گئی: علی امین گنڈا پور

پشور(بیورورپورٹ)وزیراعلی خیبرپختونخوا علی امین گنڈا پور نے آکھیا کہ8فروری نوں بدترین دھاندلی دی تریخ رقم کیتی گئی، کل ضمنی الیکشن وچ ایس تریخ نوں دہرایا گیا۔وزیراعلی خیبرپختونخوا علی امین گنڈا پور نے نیوز کانفرنس کر دیاں ہویاں آکھیا کہ اصلاح کرن دی بجائے جعلی مینڈیٹ والی حکومت نظام نوں ہور خراب کرنا چاہندی اے۔علی امین گنڈا پور نے آکھیا کہ خیبرپختونخوا وچ وی الیکشن ہویا اسیں کسی امیدواراُتے کوئی دبا نہیں پایا، حیرانی اے پنجاب وچ کجھ جگہاں اُتے عام الیکشن توں وَدھ ووٹ پئے، خیبرپختونخوا وچ ساڈھی حکومت اے اسین کوئی دونمبری نہیں کیتی۔وزیراعلی خیبر پختونخوا نے آکھیا کہ اسیں خیبرپختونخوا وچ شفاف الیکشن کروایا،ساہنوں اک لیٹر وفاق ولوں بجلی چوری بارے آیا اے،اسیں ایس لیٹر اُتے خوش آمدید کہندے ہاں، خیبرپختونخوا وچ بدترین لوڈشیڈنگ ہو رہی اے، وفاقی حکومت اگر بجلی چوری بارے گل کرنا چا ہندی اے تے شہریاں اُتے ناجائز مقدمے درج نہ کیتے جان۔