ضمنی الیکشن وچ ثابت ہویا کہ عوام مارکٹائی داایجنڈا نہیں چاہندی،عظمی بخاری

لہور(پنجابی میڈیا)صوبائی وزیر اطلاعات عظمی بخاری دا کہنا اے کہ ضمنی الیکشن وچ ثابت ہو گیا کہ عوام نوں مارکٹائی دا ایجنڈا نہیں چاہیدا۔لہور وچ صوبائی وزیر اطلاعات عظمی بخاری نے میڈیا نال گل بات کر دیاںآکھیا کہ مسلم لیگ(ن) نوں دن رات اک کرکے ویکھ کے لوکاں نے ضمنی الیکشن وچ دوبارہ ووٹ دتا، تحریک انصاف ختم ہو چکی تے دھاندلی دا رونا شروع ہو گیا اے، تحریک انصاف دی قیادت این آر او منگ رہی اے مگر ملے گا نہیں۔عظمی بخاری نے ہورآکھیا کہ ضمنی الیکشن دے رزلٹ اُتے ایہ کہنا کہ حکومتاں جت جاندیاں نیں ایہ گل ٹھیک نہیں، جَد بانی پی ٹی آئی حکومت وچ سن تے ضمنی الیکشن ہار گئے دن، جُتی اُتے 804 لکھن نال انقلاب نہیں آنا، بے شک متھے اُتے لکھ لو، مونس الہی نوں اڈیالہ جیل وچ سڑدا اپنا پیو نظر نہیں آ رہیا، سپین وچ بیٹھ کے دھاندلی نظر آرہی اے۔صوبائی وزیر اطلاعات عظمی بخاری دا کہنا سی کہ وزیر اعظم شہباز شریف عوام لئی کم کر رہے نیں۔