ایل این جی ریفرنس: شاہدخاقان عباسی، مفتاح اسماعیل خلاف سماعت ملتوی

اسلام آباد(بیورورپورٹ)احتساب عدالت اسلام آباد وچ سابق وزیراعظم شاہدخاقان عباسی، سابق وفاقی وزیر مفتاح اسماعیل خلاف ایل این جی ریفرنس اُتے سماعت 25 مئی تک ملتوی کردتی گئی۔احتساب عدالت اسلام آباد وچ شاہدخاقان عباسی، مفتاح اسماعیل خلاف ایل این جی ریفرنس اُتے سماعت ہوئی ، احتساب عدالت دے جج ناصرجاویدرانا دی جیل ٹرائل مصروفیات پاروں پیشرفت نہ ہوسکی۔عدالتی عملہ نے آکھیا کہ بانی پی ٹی آئی خلاف ٹرائل وچ اج جج ناصرجاویدرانا اڈیالہ جیل وچ مصروف نیں۔ایل این جی ریفرنس دی سماعت وچ ملزماں دیاں حاضریاں لائیاں گئیاں، مفتاح اسماعیل ولوں پلیڈر چودھری سفیر احتساب عدالت پیش ہوئے جدکہ شاہدخاقان عباسی نے احتساب عدالت پیش ہو کے حاضری لگوائی ۔بعد وچ ایل این جی ریفرنس اُتے سماعت 25 مئی تک ملتوی کردتی گئی۔