مریم نواز دی ایرانی صدر نال ملاقات، تعلقات ہور ودھان اُتے اتفاق

لہور(پنجابی میڈیا)ایرانی صدر ابراہیم رئیسی دے دورہ پاکستان دے دوران وزیراعلی پنجاب مریم نواز دی لہور وچ ایرانی صدر نال ملاقات ہوئی، ملاقات وچ تعلقات ہورودھان اُتے اتفاق کیتا گیا۔ترجمان دفتر خارجہ مطابق وزیراعلی پنجاب نے ثقافتی تبادلیاںنوں ودھان تے عوام نال عوام دے رابطے نوں ودھان دے عزم داعہد کیتا، وزیراعلی مریم نواز نے صوبے وچ سماجی و اقتصادی ترقی لئی کیتے گئے اقداماں توں آگاہ کیتا۔وزیراعلی پنجاب نے ترقی و خوشحالی لئی ایرانی شہراں تے صوبیاں دے نال قریبی رابطے دی خواہش ظاہرکیتی، صدر ابراہیم رئیسی نے لہور شہر دی بھرپور ثقافتی تریخ نوں سراہیا۔ایرانی صدر نے شاعر مشرق ڈاکٹر محمد اقبال دی تعریف کیتی جنہاں نوںایران وچ ’’اقبال لہوری ‘‘ آکھیا جاندا اے۔