پاکستان سٹاک مارکیٹ وچ تیزی برقرار، ڈالر وی مہنگا

کراچی(بیورورپورٹ)سرمایہ کاراں دا اعتماد بحال ہون نال پاکستان سٹاک مارکیٹ ملکی تریخ دی اُچی ترین سطح اُتے اے۔کاروباری ہفتے دے دُوجے دن کاروبار دوران سٹاک مارکیٹ وچ تیزی ویکھن نوں آئی اے، 100 انڈیکس 405 پوائنٹ ودھن نال 71 ہزار 839 پوائنٹ دی سطح اُتے ٹریڈ کر رہیا اے۔یاد رہے کہ پچھلے کاروباری دن دے آخیر تک سٹاک مارکیٹ وچ 523 پوائنٹ ودھ ہوئے جس دے بعد 100 انڈیکس 71 ہزار 433 پوائنٹ دی سطح اُتے بند ہویا سی۔دُوجے پاسے انٹربینک وچ ڈالر دی قیمت ودھن دا سلسلہ وی جاری اے۔کاروبار دے دوران انٹربینک وچ امریکی کرنسی دی قیمت 17 پیسے ودھ ہوئی جس دے نال انٹربینک وچ ڈالر 278 روپے 50 پیسے اُتے ٹریڈ کر رہیا اے۔