بشری بی بی مکمل فٹ اے، طبی رپورٹ

اسلام آباد(بیورورپورٹ)پمز ہسپتال دے ڈاکٹراں نے بانی پی ٹی آئی دی گھر والی بشری بی بی نوں مکمل فٹ قرار دے کے اونہاں دی صحت بارے تازہ ترین رپورٹ اعلی حکام نوں گھل دتی۔ذرائع نے دسیا کہ بشری بی بی نے سینے وچ جلن دی شکایت کیتی سی، دن ویلے اڈیالہ جیل دے ڈاکٹراں معائنہ کر کے سابق خاتون اول نوں صحت مند قرار دے دتا سی۔ذرائع نے آکھیا کہ بعد وچ پمز ہسپتال دے ڈاکٹراںدی ٹیم نے رات ویلے بنی گالہ وچ بشری بی بی داتفصیلی طبی معائنہ کیتا۔پمز ذرائع دا کہنا سی کہ ڈاکٹراں نے سابق خاتون اول نوں پمز ہسپتال دے ماہرین تے ماہر امراض دل توںمعائنہ کروان دی تجویز دتی، اوس دے علاوہ پمز ہسپتال دے ڈاکٹراں بشری بی بی داطبی معائنہ کر کے اونہاں نوں صرف کھان وچ احتیاط کرن دا مشورہ دتا۔