مریم نواز نے صوبائی انفورسمنٹ اتھارٹی دے قیام دی منظوری دے دتی

لہور(پنجابی میڈیا)وزیر اعلی پنجاب مریم نواز نے پنجاب وچ صوبائی انفورسمنٹ اتھارٹی دے قیام دی منظوری دے دتی۔وزیراعلی پنجاب مریم نواز دی زیر صدارت اجلاس ہویا جس وچ اونہاں نوں ڈسٹرکٹ تے تحصیل دی سطح اُتے صوبائی انفورسمنٹ اتھارٹی دے قیام بارے بریفنگ دتی گئی۔مریم نواز نے پنجاب وچ صوبائی انفورسمنٹ اتھارٹی دے قیام دی منظوری دیندیاں ہویاں اتھارٹی دے قیام لئی قنون سازی دا عمل فوری شروع کرن دی ہدایت کر دتی۔اجلاس دوران انفورسمنٹ اتھارٹی دے قیام لئی 11 قنون، رولز تے آرڈیننس وچ ترمیم دا وی فیصلہ کیتا گیا اے۔منصوبے تحت پنجاب دے ہر ضلع تے تحصیل وچ وی انفورسمنٹ اتھارٹیاں قائم کتیاں جان گیاں، صوبائی انفورسمنٹ اتھارٹی دی سربراہی چیف سیکرٹری کرن گے جدکہ ڈی جی وی تعینات ہوئے گا۔