حکومت سارے خرچے ادھار لے کے پورا کررہی اے،احسن اقبال

اسلام آباد(بیورورپورٹ)وفاقی وزیر ترقی تے منصوبہ بندی احسن اقبال نے آکھیا کہ حکومت سارے خرچے ادھار لے کے پورارہے ایں پاکستان نوں اگلے 3ورھیاں وچ70 ارب ڈالر واپس کرنے نیں۔بزنس سمٹ نال خطاب کر دیاں ہویاں اونہاں نے آکھیا کہ کسی وی ملک دی ترقی لئی امن، استحکام تے پالیسیاں دا تسلسل ضروری اے تے گھٹ توں گھٹ 10 ورھے دا تسلسل ہونا چا ہیدا اے، پاکستان وچ سیاسی تسلسل قائم نہ ہویا تے دائریاں وچ گھومدے رہواں گے،7فیصد معاشی گروتھ نال2047 تک پاکستان2 ہزار ارب ڈالر دی معیشت بن سکدا اے۔اونہاں نے آکھیا کہ پاکستان9 فیصد معاشی گروتھ نال 2047 تک 3 ہزار ارب ڈالر دی معیشت بن سکدا اے،سرمایہ کاری دے ودھا لئی ایس آئی ایف سی بوہت چنگا حل اے، پاکستان وچ2017 دے بعد حکومت دی تبدیلی نال سب توں پہلا نشانہ سی پیک بنیا، اسیں خصوصی اقتصادی تے صنعتی زونز وچ30 توں40ارب ڈالر سرمایہ کاری دی توقع کر رہے ساں۔