آئی ایم ایف نال اسٹاف لیول معاہدہ جون یا جولائی وچ ہون داامکان اے، وزیرخزانہ

اسلام آباد(بیورورپورٹ)وزیرخزانہ محمد اورنگزیب دا کہنا اے کہ آئی ایم ایف دی ٹیم مئی دے وسط وچ پاکستان آئے گی جدکہ اسٹاف لیول معاہدہ جون یا جولائی وچ ہون دا امکان اے۔اسلام آباد وچ بزنس سمٹ2024 نال خطاب دے بعد صحافیاں نال گل بات کر دیاں ہویاں وزیر خزانہ نے آکھیا کہ پاکستان بارے آئی ایم ایف بورڈدا ایس ہفتے آن دا امکان اے تے ایس ہفتے دے آخر تک قسط ملن نال زرمبادلہ ذخائر بہتر ہو جان گے۔محمد اورنگزیب نے آکھیا کہ24 ویں آئی ایم ایف پروگرام وچ اسیں جا رہے ہاں لیکن اوس دے بعد وی کوئی پروگرام ہوئے گا ایہ کہنا قبل ازوقت اے، اونہاں نے آکھیا کہ حکومت نے کرنٹ اکاونٹ خسارے تے مالیاتی خسارے نوں قابو وچ رکھن داہدف رکھیا اے۔حکومت سولرائزیشن، یوتھ انٹرپرینیورشپ، آئی ٹی سیکٹر دے ودھا، ایس ایم ایز، سرمایہ کاری دی برآمد وچ سہولت تے صنعتی پیداوار اُتے توجہ دے کے زراعت تے صنعتی شعبے دی ترقی نوںودھارہی اے۔