جیہڑا ناں بانی پی ٹی آئی دین گے اوہی چیئرمین پی اے سی ہوئے گا،عمر ایوب

اسلام آباد(بیورورپورٹ)قومی اسمبلی وچ اپوزیشن لیڈر عمر ایوب نے آکھیا اے کہ پارٹی داموقف اے کہ جیہڑا ناں بانی پی ٹی آئی دین گے اوہی چیئرمین پی اے سی ہوئے گا۔صحافیاں نال گل بات کر دیاں ہویاں عمر ایوب نے آکھیا کہ بانی پی ٹی آئی نے شیر افضل مروت نوں چیئرمین پی اے سی بنایا۔اونہاں نے آکھیا کہ ہر جگہ برملاآکھیا کہ شیر افضل مروت نوں چیئرمین پی اے سی ہونا چا ہیدا۔عمر ایوب نے آکھیا کہ پبلک اکاؤنٹس کمیٹی دی چیئرمین شپ اپوزیشن دی ہُندی اے۔واضح رہے کہ پچھلے دناں پاکستان تحریکِ انصاف دے رہنما شیر افضل مروت نے آکھیا سی کہ پبلک اکاؤنٹس کمیٹی دے ناں اُتے پارٹی دے اپنے رہنماواں نے غلط بیانی کیتی۔