وفاق تے صوبیاںنوںمعاشی استحکام لئی قریبی تعلق بنانا پئے گا،وزیراعظم

کراچی (بیورورپورٹ)وزیراعظم شہباز شریف نے آکھیا اے کہ ملک وچ ایس ویلے سب توں وڈھا مسئلہ معاشی استحکام دا اے، جس لئی وفاق تے صوبیاں نوں قریبی تعلق بناناپئے گا ۔وزیراعظم شہباز شریف نے وزیراعلی سندھ تے صوبائی کابینہ دے نال اجلاس وچ گل بات کر دیاں ہویاں آکھیا کہ اج میں کراچی حاضر ہویا واں، پچھلے کجھ مہینیاں توں ایتھے آن دا پروگرام بندا رہیا تے تبدیل ہُندارہیا ، شاہ صاحب دا مشکور ہاں جنہاں نے میرا گرم جوشی نال استقبال کیتا۔ وزیراعظم نے آکھیا کہ 8فروری دے الیکشن وچ پیپلزپارٹی نوںاللہ نے سندھ وچ تے پنجاب وچ مسلم لیگ ن نوں خدمت دا موقع دتا، ساہنوں مل کے پہلاں توں وَدھ تعاون تے تعلق نوں یقینی بنانا اے۔اونہاں نے آکھیا کہ میرا وزیراعلی مراد علی شاہ دے نال بھائیاں والا تعلق بن گیا اے، سندھ، پنجاب دی ترقی پاکستان دی ترقی اے، دُوجیاں صوبیاں دی ترقی وی ملک و عوام دی ترقی اے، ساہنوں ایسے فیصلے کرنے پین گے جیہڑے اپنے لئی شاید پسند نہ ہون۔