شیر افضل دے چیئرمین پی اے سی بارے بیان اُتے بیرسٹر گوہر دا ردعمل

اسلام آباد(بیورورپورٹ)ممبر قومی اسمبلی شیر افضل مروت دے چیئرمین پبلک اکانٹس کمیٹی (پی اے سی)بارے بیان اُتے چیئرمین پی ٹی آئی بیرسٹر گوہر نے ردعمل ظاہر کیتا اے۔شیر افضل مروت نے نجی ٹی وی نوں اک انٹرویو وچ آکھیا سی کہ پارٹی دے کجھ رہنما عمران خان نوں مجبور کر رہے سن کہ شیر افضل مروت نوں چیئرمین پی اے سی نہ لایا جائے تے کسی ہور دا ناں دتا جائے لیکن عمران خان نے اونہاں دی چال اُلٹ دتی۔بیرسٹر گوہر نے ایس بیان اُتے ردعمل دیندیاں ہویاں آکھیا کہ میں شیر افضل مروت نوں کہہ دتا اے کہ آئندہ تُسی اینج دی گل نہیں کرنی، پارٹی دے اندرونی معاملیاں اُتے پارٹی وچ ہی بحث کرنی اے۔بیرسٹر گوہر توں پچھیا گیا شیر افضل مروت مطابق بانی پی ٹی آئی نوں آکھیا گیا کہ اسپیکر پی اے سی چیئرمین نہیں چا ہندے؟ جس اُتے اونہاں نے آکھیا تُسی دوبارہ شیر افضل مروت توں پچھاں گے تے اوہ ایسی گل نہیں کرے گا۔