وزیراعظم دی وزیراعلی سندھ نال ملاقات، مسائل حل کرن دی یقین دہانی

کراچی(بیورورپورٹ)وزیراعظم پاکستان شہباز شریف نے وزیراعلی سندھ مراد علی شاہ نوں سارے مسائل مل بیٹھ کے حل کرن دی یقین دہانی کروا دتی۔وزیراعظم کراچی دے 1 روزہ دورہ دوران وزیراعلی ہائوس پہنچے جیتھے صوبائی وزیراں نے شہباز شریف دا استقبال کیتا تے وزیراعظم دی وزیراعلی سندھ سید مراد علی شاہ نال ون ٹو ون ملاقات ہوئی۔ملاقات وچ وزیر اعلی سندھ دی وزیر اعظم نال سندھ تے وفاقی حکومت دے وچکار ترقیاتی کماں تے ہور مسائل اُتے گل بات ہوئی تے وزیراعلی سندھ نے وزیراعظم دے نال ڈائریکٹ کٹوتیاں بعد فنڈز دی واپسی نہ ہون اُتے وی گل بات کیتی۔ایس موقع اُتے وزیراعظم شہباز شریف نے وزیراعلی سندھ مراد علی شاہ نوں سارے مسائل مل بیٹھ کے حل کرن دی یقین دہانی کروا ندیاں ہویاں آکھیا کہ اسیں مل جل کے عوام دے مسائل ترجیحی بنیاداں اُتے حل کراں گے۔