ملکی معیشت نوں صحیح پاسے لیجان لئی کڑوی گولیاں نگلنیاں پین گیاں،احسن اقبال

نارووال(بیورورپورٹ)وفاقی وزیر پلاننگ اینڈ ڈویلپمنٹ احسن اقبال نے آکھیا کہ ملکی معیشت نوں صحیح پاسے لیجان لئی کڑوی گولیاں نگلنیاں پین گیاں۔وفاقی وزیر پلاننگ اینڈ ڈویلپمنٹ احسن اقبال نے ظفروال وچ عوامی اجتماع نال خطاب کر دیاں ہو یاں آکھیا کہ بانی پی ٹی آئی دے غلط فیصلیاں پاروںاج کسان پریشان نظر آندے نیں،2018 دے بعد بانی پی ٹی آئی نے ملکی معیشت نوں تباہ کر دتا سی۔احسن اقبال نے آکھیا کہ بین الاقوامی منڈیاں وچ وی کنک دے ریٹ گھٹ ہو گئے نیں، وزیراعظم شہبازشریف نے ملک وچ کنک دی صورتحال اُتے نوٹس لے لیا اے، حکومت اپنے وسائل وچ رہندیاں ہویاں کساناں دی مدد کرے گی۔وفاقی وزیر نے آکھیا کہ 1 ڈیڑھ سال عوام لئی مشکل ہوئے گا، اسیں ملکی معیشت نوں راہ راست اُتے لے آواں گے، اسیں ذاتیات دی سیاست اُتے یقین نہیں رکھدے، ہمیشہ امن تعلیم تے ترقی دی سیاست کیتی اے کَدی لالچ نہیں کیتا، عوامی خدمت نوں ہی سیاست سمجھدے ہاں۔