ایس ویلے دنیا دا سب توںوڈھا مسئلہ عدم مساوات اے،وزیراعظم

لہور(پنجابی میڈیا)وزیراعظم شہباز شریف نے آکھیااے کہ ایس ویلے دنیا دا سب توں وڈھا مسئلہ عدم مساوات اے۔شہباز شریف نے عالمی اقتصادی فورم وچ عالمی صحت دے ایجنڈے بارے اک سیشن وچ خطاب کر دیاں 2003 وچ مینوں کینسر ہوگیا سی، نیویارک وچ میرا آپریشن ہویا، علاج اُتے ہزاراں ڈالر لگ گئے، تو میںپاکستان وچ موجود کینسر دے مریضاں دا سوچا کہ کِنے لوگ اوس دا علاج کروان دے قابل نیں، ساڈھے بوہت سارے شہری مہنگا علاج نہیں کراسکدے، وزیر اعلی پنجاب منتخب ہون دے بعد اسیں صوبے وچ گردے، جگر تے کینسر دے سرکاری اسپتال بنائے۔اونہاں نے آکھیا کہ ایسی طرح موسمیاتی تبدیلی نے وی منظرنامہ یکسر تبدیل کردتااے، عالمی کاربن دے اخراج وچ پاکستان داکوئی حصہ نہیں لیکن اوس دے باوجود اسیں ریڈ لسٹ وچ شامل نیں، اوس نے پاکستان نوں بوہت وَدھ متاثر کیتا،2022 دے سیلاب وچ پاکستان تباہ ہوگیا تے ساہنوں عوام دی بحالی لئی ارباں روپے خرچ کرنے پئے، جَد اسیں ایس حوالے نال عالمی فنڈز لئی مدد منگی تے اونہاں نے ساہنوںبوہت مہنگے قرضیاں دی پیش کش کیتی جس نوں اسیں برداشت نہیں کرسکدے ساں۔ شہباز شریف دا کہنا سی کہ 2011 وچ ڈینگی نے پاکستان نوںبوہت وَدھ متاثر کیتا، تَد مینوں ڈینگی بارے وچ وَدھ معلومات نہیں سن، اوہ اک چیلنج سی، اسیں نے ماہرین نوں جمع کرکے اونہاں توں مشاورت کیتی، میں نے ہوائی جہازاں دے ذریعے مشیناں دور دراز علاقیاں تک پہنچان، سرتوڑ کوششاں بعداسیں ڈینگی اُتے قابو پان وچ کامیاب ہوئے۔