سیاسی معاملات درست کرن تک مسائل حل نہیں ہوسکدے، شاہدخاقان عباسی

لہور(پنجابی میڈیا)سابق وزیراعظم شاہد خاقان عباسی نے آکھیااے کہ سیاسی معاملات درست کرن تک مسائل حل نہیں ہوسکدے۔لہور وچ عاصمہ جہانگیر کانفرنس نال خطاب کر دیاںہویاں سابق وزیراعظم شاہد خاقان عباسی دا کہنا سی کہ جس ملک وچ سیاسی انتشار ہوئے گا اوس ملک دی معیشت کمزور ہوئے گی، وفاقی حکومت دی جیہڑی مجموعی آمدنی اے اوہ اوس دا سود وی پورا نہیں کرسکدی، ڈالر دی قیمت وچ کمی کسی صورت ممکن نہیں ہوئے گی۔اونہاں نے کہ ایہ بجٹ وچ عوام نوں ریلیف نہیں دے سکدے ، آئی ایم ایف دے کول جان دا مطلب اے اسیں نکام ہو گئے، مہنگی بجلی خرید کے تُسی کسی وی سیکٹر وچ کم نہیں کر سکدے۔شاہد خاقان عباسی دا ہور کہنا سی کہ جس ملک وچ عدل دا نظام نہیں ہوئے گا اوتھے ترقی نہیں آسکدی، نظام عدل درست ہون تک ملک اگے نہیں چل سکدا،عوام اُتے بوجھ پان دی بجائے گھٹ کرن دی لوڑ اے۔سابق مشیر خزانہ ڈاکٹرعائشہ غوث پاشا دا تقریب نال خطاب وچ اونہاںدا ہور کہنا سی کہ ساہنوں بجٹ خسارے گھٹ کرن تے ایکسپورٹ ودھان دی لوڑ اے۔