پاکستان دی معیشت مشکلاں دا شکار اے، ایم ڈی آئی ایم ایف

ریاض (نیوزڈیسک)بین الاقوامی مالیاتی ادارے(آئی ایم ایف) دی مینیجنگ ڈائریکٹر کرسٹالینا جارجیوا نے آکھا اے کہ بعض ملک جداں کہ پاکستان دی معیشت مشکلاں دا شکار اے۔ایم ڈی آئی ایم ایف کرسٹالینا جارجیوا نے ورلڈ اکنامک فورم دے خصوصی سیشن وچ گل بات کر دیاں ہویاںآکھیا کہ عالمی اقتصادی فورم دی ایس میٹنگ دوران آئی ایم ایف دے2 پیغام نیں۔اونہاں نے آکھیا کہ پچھلے کجھ ورھیاں دیاں مشکلاں دے باوجود ترقی تے معیشت بہتر اے،اسیں ترقی دے تخمیناںنوں ایس سال لئی بہتر کیتا اے، ایڈوانس معیشتاں وچ امریکا دی کارکردگی چنگی اے۔کرسٹالینا جارجیوا نے آکھیا کہ انڈونیشیا، ملائیشیا تے بھارت جہی ابھرتی مارکیٹ دی کارکردگی وی چنگی اے جدکہ چین دی کارکردگی پہلی سہ ماہی وچ توقع توں کجھ وَدھ کے چنگی رہی۔ اونہاں داکہنا سی کہ گھٹ آمدنی والے ملکاں دی حالت خراب ہورہی اے،کورونا بیماری دنیا نوں 3.3 ٹریلین ڈالر دا نقصان پہنچیا، کورونا بیماری پاروں معاشی نقصان توں گھٹ آمدنی والے ملک زیادہ متاثر ہوئے ۔