پی سی بی نے قومی ٹیم دے کوچز داباقاعدہ اعلان کردتا

لہور(پنجابی میڈیا)پاکستان کرکٹ بورڈ (پی سی بی)نے قومی ٹیم دے کوچز دے ناماں دا باقاعدہ اعلان کردتا۔ریڈ بال فارمیٹ لئی جیسن گلیسپی جدکہ وائٹ بال لئی گیری کرسٹن نوں پاکستانی ٹیم دا ہیڈکوچ بنان دا اعلان کیتا گیا اے جدکہ اظہر محمودساریاں فارمیٹ وچ اسسٹینٹ کوچ دی ذمہ داریاں نبھان گے۔تینوں فارمیٹ دے کوچز دی تقرری 2 ورھے دی مدت لئی کیتی گئی اے، جیسن گلیسپی دورہ بنگلادیش تے گیری کرسٹن دورہ انگلینڈ دے دوران پاکستانی اسکواڈ نوں جوائن کراں گے۔گیری کرسٹن انڈین پریمیئر لیگ وچ اپنی اسائنمنٹ مکمل کرن دے فورا بعد پاکستان کرکٹ ٹیم دی ذمہ داری سنبھالن گے جس وچ آئندہ آئی سی سی مینز ٹی ٹوئنٹی ورلڈ کپ 2024 تے ہور دوناں پاسیاں دی وائٹ بال سیریز شامل نیں۔گیری کرسٹن آئندہ سال پاکستان وچ ہون والی آئی سی سی چیمپئنز ٹرافی 2025، اے سی سی ٹی ٹوئنٹی ایشیا کپ 2025 تے 2026 وچ انڈیا تے سری لنکا وچ ہون والے آئی سی سی مینز ٹی20 ورلڈکپ وچ وی پاکستان ٹیم دے انچارج ہون گے۔